أكيد كتير مننا سمع عن التاكسي الملاكي كريم Careem أو أوبر Uber ،
انا هتكلم عن تجربتي الشخصية مع كريم .. تجربه رائعة وفرصه لتشغيل الشباب
بالعربيات الملاكي كتاكسي اجرة.
اول
مرة سمعت عنه لما نزلت مصر من صديق جربه اكتر من مرة ومصدقتش انه في مصر لحد ما
نزلت الابليكيشن على التليفون وطلبته بنفسي :) ..
أول مشوار ليا مع مراتي واولادي من
حلوان لأكتوبر عملت حجز قبلها بيوم وجالي تأكيد ان الكابتن "أحمد
البادي" هيكون في انتظاري اليوم اللي حددته ، بصراحه مدخلش دماغي وقولت لما
نشوف ،جه اليوم اللي بعدها دخلت على الابليكيشن قبلها بنص ساعه لقيت فعلا العربيه
في الطريق والكابتن احمد بيكلمني بعدها بدقايق بيستفسر عن المكان بالظبط ، جه
المعاد بالدقيقه لقيت العربيه في انتظاري فعلا تحت البيت وكنت متصور اني هنزل
الاقي عربيه لادا او 128 .
المفاجأه كانت عربية تويوتا اخر موديل وواسعه ونضيفة
جدا جدا ، اندهاشي الاكتر لما لقيت السواق نازل شايل الشنط بتاعتي بنفسه وبيحطها
في شنطة العربية وكان حاجه يعني اخر احترام بصراحه .قولت أكيد كده الموضوع هيبقى
غالي جدا لأن المسافه كبيرة بين حلوان وأكتوبر واقل تاكسي لو مش لاعب في العداد
بياخد 80ج بس قولت مش
مشكله واجرب زي ما صاحبي نصحني ..
المهم ركبنا وطول الطريق السواق لا سرعه ولا
سيجارة ولا معلى كاسيت ولما يفتح حتى الشباك شويه يستأذني عشان الهوا البارد
والاطفال اللي راكبين
. المهم وصلنا الحمد لله في وقت كويس
جدا اول لما وقفنا راح موريلي الموبايل عليه الابليكيشن بتاع كريم عشان يوريلي
المشوار عمل كام بالظبط ، وكانت المفاجأه التانيه ان المشوار كلفني 59ج بس
دا طبعا لأني كنت حاطط البرومو اللي
بيديلك تخفيض 20% على أول مشوار دا غير انه بيحسب الكيلو ب1.5ج وفتح العداد ب25
عشان حجزته قبلها بيوم ولو كنت حجزته انه يكون في نفس الوقت كان فتح العداد هيبقى
ب5ج بس ،وكالعاده راح نازل منزلي الشنط وحمدالله عالسلامه وحركات بقى وكده يعني
.. بعدها عرفت اني لو كنت سجلت من خلال
دعوه من صديق كنت هاخد 10ج في حسابي في الاول زائد برومو التخفيض
بس يلا مش مشكله كده زي الفل عملتها
تاني وأنا رايح المطار على رقمي التاني والمشوار كلفني 39ج
..
اسعار القاهرة
أسعار اسكندرية
نفس الموضوع لقيته في الامارات بيديلك 20% تخفيض على اول
مشوارين زائد 20 درهم لو سجلت من خلال صديق وما ادراكم بعربيات دبي وفخامة عربيات
دبي
كريم ميزته انه شركه اماراتية مقرها من الامارات ومفيش
حوارات اللعب في العداد بقى والقصص دي غير ان السواقين كلهم ولاد ناس جدا وبعد ما
تخلص مشوارك بيجيلك رساله بتطلب منك تقييم الكابتن عشان دا بيحدد يستمر في الشركه
كسائق معتمد ومطلوب وكمان خط سيرك بيكون معروف وتقدر انك تتابع مشاوير ولادك او
مراتك يعني قمه في الامان
..
اللي عايز يسجل من مصر من هنا
>> http://goo.gl/rXd59M
اللي عايز يسجل من الامارات من هنا
>> http://goo.gl/FoqPGZ
>> http://goo.gl/rXd59M
اللي عايز يسجل من الامارات من هنا
>> http://goo.gl/FoqPGZ
بعد اذنكم متنسوش شير عشان كله يعرف
ويستفيد
تنبيه : رجاء خاص ذكر مصدر الموضوع عند نسخه في موقع او مدونة اخرى بالرابط المباشر للموضوع الأصلي وإسم المدونة..شكرا
إذا أعجبك الموضوع ،شاركه مع أصدقائك
